«Рухани жаңғыру» бағдарламасын жүзеге асыру аясында мектепте оқушылардың қатысуымен «Қош келдің, Наурыз!» атты мерекелік концерт өткізілді.
Бұл іс-шараның негізгі мақсаты-Наурыз мейрамына деген сүйіспеншілікті ояту, Қазақстан жерінде бейбітшілік пен достықты нығайту, ұлтаралық қарым-қатынас мәдениетін тәрбиелеу, қазақ халқының мәдени мұрасын құрметтеуге тәрбиелеу, мектеп оқушыларының шығармашылық қабілеттерін дамыту.
Мектепте «Қош келдің, Наурыз!» мерекесі қызықты, салтанатты өтті. Мектеп фойесінде шарлармен және қабырға газеттерімен безендірілді, балалардың шығармашылық жұмыстарының көрмесі ұсынылды. Наурыз мерекесі туралы слайд-шоу дайындалды.
Мереке акт залында басталды. Мерекелік бағдарламаны Наурыз мерекесі мен оның көктем символына арналған би мен театрландырылған қойылым ашты. 1-9 сынып оқушылары өздерінің музыкалық нөмірлерімен ән шырқады, көріністер көрсетті,өлеңдер оқыды, Наурыз мейрамына деген сүйіспеншіліктері туралы айтты. Бір-біріне бақыт пен амандық тіледі.
