Петропавлда мүмкіндігі шектеулі балалар арасында «Үміт» облыстық шығармашылық фестивалі өтті. Бұл байқауда оқушылар 5 аталым бойынша сайысты. Ән мен би, ыммен орындау, сәндік-қолданбалы өнер бойынша таңдалды.
Аталмыш шара балалардың өмірге деген құштарлығын оятып қана қоймай, шығармашылық жағынан шыңдалуына серпін бермек. Өнерпаздардың өнерін қазылар алқасы бағалады. Қойылған белгілі талаптар бар. Біздің мектептің “Жас қанат” шулы аспаптар ансамблі “Аспапта орындау” номинациясында І- орынға ие болды, ал “ Вокал” номинациясында 8 сынып оқушысы Сарбай Нұрдәулет “Аққу арман” әнін орындап, ІІ -орын алды. Шара соғында өнер көрсеткен ұл-қыздардың барлығы марапатқа ие болды.
